去意大利乘了4程Emirates,事前沒有搜查過這家airline的風評,所以叫做沒有先入為主吧。這篇純粹記一下有關中東airline的小事,為了形容得比較傳神,通篇用上廣東話 (其實我只是很懶,不想改回書面語=.=)
第1程香港去杜拜:
飛機超舊,座位好迫,坐左八個鐘有多,但感覺還好,可能因為眼訓。無touch screen,只有固定頻道,濛濛地睇撒嬌女人最好命。
好感度:5/10
第2程杜拜去羅馬:
一行入機艙左右2個外籍空少笑笑口,其中一個話"Are U ready for Italy?",簡單一句非常窩心! 簡直係旅程既好開始! 依架機新好多, 座位相對闊落!!
正當我唔知做緊咩,無意中抬頭向前望,有個(幾靚仔)空少咁啱同我四目交投… 然後佢笑得好燦爛!!! 佢係望住我雙眼笑果種!!!!!
具體尼講,依個畫面就等於係黑黑地既機艙,乘客紛紛入睡,東歪西倒,突然一道明媚既陽光穿破沉寂照射住我!! 即刻心心眼~ 哈哈哈哈…
嗯… 所以依程我唔記得具體做左咩=_= 好似睇左荒失失企鵝0.0 其實都幾好笑(俾人話笑得太大聲)
好感度:10/10
第3程米蘭去杜拜:
A380!! 好舒服好闊落… 但無咩特別印象,好似睇左<黃金時代>……? 因為係晚上十點多上機,好眼訓=_=
↑第一次見有鏡頭安裝在機外,直播升降過程,感覺自己就係機師! 超新奇
好感度:6/10
第4程杜拜去香港:
其實我一直心思思好想見到哈里發塔,話晒世界第一高塔喎! 828米喎, 杜拜咁平坦無理由望唔到喎。
但第一次轉機果陣係咁望都真係望唔到T^T 今次步入A380機艙前,盡力望多幾眼,我真係超級最想去杜拜!!!!!!!!!!!!
行呀行隱約望到一支好高既直線....... 哈里發塔呀!!!! 竟然俾我見到你啦, 雖然超級遠, 又濛濛地, 但總算圓願呀~
我三年內一定要去!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
↑終於安排到我最愛既窗口位! 可以半空中"預"覽杜拜!! I'll be back… soon~
↑高空望落去真係好鬼異,感覺係外星人砌模擬城市,沙地上好整齊地放d屋呀樹呀,用手指畫出街同路,真係好唔似地球!
↑之後忙於睇星際啓示錄,係高空密閉空間睇浩瀚宇宙,真係互相呼應,不過俾蟲洞三四五次元搞到有D亂。
用餐後我妹覺餓,見外籍空姐迎面行尼就話想要個杯麵,佢表現得唔耐煩,無任何回應,搞到我妹唔知佢聽唔聽到,但佢又走左去…
↑無期望下佢又突然捧住杯麵出現-.- 雖然我都知空服真係好忙,我無期待好殷勤既服務,但顧客有需求,點都應該有回應掛! 依位空姐既表現絕對影響我對Emirates既觀感
好感度:6/10
留言列表